遊紐西蘭日誌 - Day 3

27 Mar 2006 (Waitomo – Rotorua) 多雲間中有雨

玩 Skyline Skyride時，相信我是得最慢的一個，因為對高速度的承受力比較低，所以一直都要keep住 constant speed 慢慢落，而每每在轉彎位置我更拉實在手掣去減速，怎能不慢呢!!!! 這樣子，玩到我手軟軟，還有小小麻痺，喜歡速度的人真的不妨一試，而這Skyride 見在Queenstown 都有得玩。

當到達Rotorua你會嗅到一陣淡淡的硫磺味，在這裡你不難發現周圍的一些地方有煙霧出來，因為這地方是個溫泉勝地。

在Thermal Village 可觀賞毛利人的民俗表演及參觀毛利人居住的地方，此外這裡你亦可看到天然噴泉、火山泥池等等的天然景象。在此買了條用溫泉水煮的粟米吃，不過吃不出有甚麼分別，呵呵!! 


毛利人的習俗向人表示友好會瞪大眼伸出舌頭，所以你在village裡面發現所有的公仔都是伸舌頭的，而且在看表演時亦看到當地人常常都做這個表情，我發表演者當中有2個條脷都幾長架.!!!

去Rainbow Springs 的主要目的應該是去看紐西蘭獨有的奇異鳥(Kiwi Bird)。 這款鳥因翅膀很小的關係所以是不懂飛的，亦因為這原因他的自己保護能力也較低，所以這種鳥在紐西蘭已越來越稀有了。 Rainbow Springs的設備其實也不錯，雨傘及多語言的講解器免費提供給遊客，這裡像是一個動值物公園似的，有魚、鳥、蜥蝪，各式各樣的植物等…給遊客觀賞，可惜我們去到Kiwi Encounter搵來搵去都搵唔到要睇的奇異鳥，真係好失望呢!!!! 


 個Kiwi Encounter 介紹, 這奇異鳥每日要睡14個鐘，仲要怕光 (我記得好似係)， 這裡咁黑，D奇異鳥又啡啡黑黑…又貪睡，真係唔知點搵，我其實懷疑個度可能係冇Kiwi Bird 架!!!!

 夜晚我們到旅遊書介紹的Amazing Thai吃飯，就在這飯店開始喜歡飲這個ginger beer，我個人覺得真係幾好飲囉…嘻嘻…吃完飯…我們就計劃去Polynesian Spa到泡下湯、做下按摩， 可惜去到massage已經full晒, 不過都無所謂我地去浸下溫泉水，買左可浸其中4個池的票，可能我地太嘈, 每去到邊，D人都走去第二個池，好似比我地嚇到走晒咁，其實我地都唔係好嘈呀，可能我地一行6人，令到每個池都有D擠迫 o卦 (我估…嘻嘻..)。在這裡我發覺浸完熱湯再用凍水沖身原來好鬼舒服 &好好玩的，所以浸下又去沖下，跟住有個外國人排隊等沖凍水, 我便出來比他用沖，但他動也不動，以為他唔識用，點知佢同我講話驚驚地,怕凍喎, 真係比佢笑死。 


Polynesian Spa 亦另我眼界大開，可能香港比較保守，所以我從來未見過囉，係咩野???? 咪…斷背男..池邊接吻….唔好話我大驚小怪, 咁大個女真係第一次見…2個男人著住泳褲 Kiss…以我觀察所見, 佢地應該係剛剛泡湯時新識的…

Accommodation: Executive on Fenton (NZ$110/room + breakfast)

Lunch: Hot Dog + Donut

Dinner: Amazing Thai Restaurant

Activity: Thermal Village (NZ$20), Skyline Skyride (NZ$22), Rainbow Spring (NZ$23.5), Polynesian Spa (NZ$15)