遊紐西蘭日誌 - Day 11

4 Apr 2006 (Dunedin – Te-Anau)

 晨早起來就去搵全世界最斜的街，依地圖去搵，發現附近的街道全都好斜喎，究竟那條是最斜??終於搵到個條Bladwin Street喇，本想駕車上去，感受一下它的斜度，不過最後都不敢，可能受過海灘那次教訓，不敢輕舉妄動…哈哈… 

跟著竟見到一輛大貨車好似想行那條路，我們當然就走到路邊，目不轉晴咁睇下那輛車表演啦….哈哈….由下面望上去，見那輛好像好危險，但當然無溜後啦，它還可以在那條街停下落貸，我只有講句 “好野”，我們走到街的盡頭，回程時，從高處望下，竟小小腳軟軟，初時慢慢的行落去，但最後就是急速的跑落去，真係幾過癮。幸好一早到達，當我們離開時候便來了一大班遊客了。

Cadbury World 令我想起朱古力掌門人，當然見唔到小矮人，亦見唔到Mr. Wanaka，但我見到一個好肥個樣好卡通的導遊及沿途嗅到淡淡的朱古力氣味，未開始參觀前，見到一筒供人試吃的可可豆，這豆豆有很濃郁的朱古力味但一咬下去就有小小甘苦味及小小酸味，還是加工過的朱古力好吃得多，成個參觀過程，主要都係睇下D包裝工予，派下朱古力試食等，做朱古力的過程當然是看不到啦，但有機會短暫的朱古力瀑布，一大筒朱古力由20呎倒下來，又幾得意，我仲不停咁拍手掌添…我諗我真係要控制下自己的低能舉動。臨走時當然掃左D香港無得買的吉百利朱古力啦，但味道好像麻麻地....

因為時間的關係我們只買票參觀Lanarch Castle 的花園，哈哈….古堡入面有幾豪華我就真係唔知道，我只知這個古堡座落於山的高處，而我們駕車前往古堡途中，不時被濃霧罩住，攪到好似去個D有彊屍、有古怪管家的神秘古堡咁，我覺得去的過程比到達古堡時精彩。

Accommodation: Top 10 Holiday Parks Motel (Te-Anau) (NZ$90/room)

Lunch: Bacchus Winebar & Restaurant in Dunedin

Dinner: 煮飯仔

Activity + Sightseeing: Bladwin Street, Cadbury World (NZ$13.5), Lanarch Castle - Garden(NZ$10), St. Pauls Cathedral, 古老火車站, Royal Albatross Colony,