2012年8月1日 星期三

兩位婦人

食飯時間去銀行辦事,快手快腳入了美心快餐醫肚。鄰座坐了兩位中年婦人大談家事和城市熱話。

婦人們說香港真無自由,出個本咩咩國民教育書,都俾人鬧,又話唔出得。大陸就最自由,咩嘢書都有,想睇咩嘢書都得。

我望了一望兩位婦人,忍不住彈左句:「咩嘢話,冇嘢呀你!」。兩位婦人就立即離開座位,走了。

其實我仲想問下,佢地係咪講梗本中國模式,如果係的話,婦人們有冇認真睇過本書呢?本書已經出左啦,唔係d人邊會談論書裡內容呢?仲有大陸乜書都有?咁自由行就唔駛嚟香港買咸書、運程書啦!文革除了毛語錄個d書外冇其他書好睇咁滯。

好彩佢地走咗,我怕我問完出唔到美心門口。 我要好好控制下自己先得。

Ps:婦人A說女兒是教師,作育英材。我第一時間諗呢位婦人可能係余老師的媽媽嗎?

沒有留言:

張貼留言